مــــــــنـــتـــــدي فــرســــــــــــــــــــــان الهـــــندســــــــــــــة
مرحبا بالزائرين
منتدي فرسان الهندسة يقدم لكم خلاصة الهندسة لكل مهندس مصري وعربي . نتمني لكم الافادة .


مرجبا بكم فب منتدي فرسان الهندسة لكل مهندس مصري يبحث عن العلم ...........
 
البوابةالرئيسيةاليوميةالتسجيلبحـثدخول

شاطر | 
 

 فقه النصيحة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
moonlight
عضو ذهبي
عضو ذهبي
avatar

انثى
عدد الرسائل : 989
العمر : 26
الاسم : -----------
العمل/الترفيه : student
الكلية : electronic engneering
الاوسمة : الاوسمة
دعاء :
مزاج العضو :
نقاط : 917
السٌّمعَة : 18
تاريخ التسجيل : 26/08/2008

مُساهمةموضوع: فقه النصيحة   السبت 08 أغسطس 2009, 2:18 am



تعلم فقه النصيحة
***************
قال صلى الله عليه و سلم : الدين النصيحة : صحيح

فالمسلم فى قانون الاسلام شخص ايجابى مؤثر فى مجتمعه يقوّم الإعوجاج و ينقد ما يراه من عيب او خلل
و النصيحة تكون واجبه إذا كان مستحقها شخص قريب منا , عزيز علينا نرتجى كماله و نخشى وقوعه فى الزلل

قال الامام ابن تينيه رحمه الله : المؤمن للمؤمن كاليدين يغسل احداهما الاخر .... فاسداء النصح فى الاسلام فرض و تنبيه الغافل او الساهى من اصول الدعوة

كلنا عارفين كده .... يمكن فى كتير مننا بيحبوا ينصحوا غيرهم ... بس المشكلة انه غالبا مبتبقاش النتائج زى ما بنكون متوقعين ... وكتير كمان بتحصل مشاكل و خلاف و ممكن خصومة بسبب النصيحة
ونقعد نقول ان فلان ده مش كويس وانا رحت نصحته و هو زعل منى و هزأنى ... مع اننا لو بصينا للامور بنظرة اعمق ... ممكن يكون الشخص الذى ينصح هو المخطئ لأنه لا يجيد النصح ... ومن هنا وجب التحدث عن فن او فقه النصح

ده ميمنعش انه احيانا بتبقى مراعى كل حاجة و لكن الشخص لا يتقبل منك و هنا المشكلة تكون فى هذا الشخص نفسه حيث ان بعض الناس ينظرون الى انفسهم على انهم اعلى من ان ينصحهم احد او ان ذاتهم مقدسة ولا ينبغى المساس بها .... وده احد مراتب الكبر ... وعموما مش ده موضوعنا النهاردة ....

اول سؤال: لو شفت خلل ما ... هل انصحه ولا لأ ؟؟؟
اه .... بس هيزعل
لأ .... بس كده مينفعش و ده صاحبى و كمان النصح فرض

وعلشان كده الحل زى ما قلنا فوق ... لو كان قريب منك او عزيز عليك ... تنصحه و لكن باسلوب ملائم
ثانى سؤال:
ايه هى مبادئ النصح ؟؟؟
هما كتير لس لو بصيت ليهم كلهم حاجات بسييييطة جدا

1 اذكر المحاسن اولا
********************

قال تعالى : و لا تبخسوا الناس اشياءهم ... الاعراف85
يعنى مش تفتح الرشاش و تبدأ الهجوم الكاسح على اللى قدام
بالراحة شوية .... ايه .. الراجل معندوش اى ايجابيات ؟ اكيد موجودة كتير ... جرب كده تبدأ بيها
يعنى مثلا ممكن تقوله انت راجل كويس و محترم و ملتزم وانت صاحبى و حبيبى وبحب دايما اسمع ارائك و بثق فيك و بحش انك اخويا فعلا و يمكن حاجات كتيرة اتغيرت للاحسن بسببك .... وبعد كده ممكن تبدأ تقول له اللى مضايقك او ملاحظه عليه

ده مثلا يعنى
ده غير كمان لازم تبيّن للشخص المنقود ان العيب ده لا ينقص ايدا من قدره ولا يخل من صورته العامه
مثال جميل جدا من السنة المحمدية : قال صلى الله عليه وسلم عندما اراد ان يلفت نظر عبد الله بن عمر رضى الله عنه الى قيام الليل فقال : نعم الرجل عبد الله , لو كان يصلى من الليل ... وقيل انه بعده لم يترك الرجل قيام الليل قط
مفيش اجمل من كده نصيحة


2- ركز نقدك على ايجاد الحلول
*************************

يعنى مش تظهر العيوب و تمشى .... تركيزك على ذكر الحلول هيأكد على حسن نيتك فى اسداء النصح وانك فعلا بتحبه و عايز مصلحته ... يعنى لو كنت مكانه ممكن تعمل ايه ؟؟؟
3- حافظ على احترام الشخص لذاته
****************************

يعنى يفضل تستخدم كلمات زى :والله ان شايف .. من رأيى .. من وجهة نظرى .. بدلا من من الخطأ . لا لا على فكرة مش صح اللى بتعمله ده و كمان حرام

حتى لو بيعمل ايه ... حاول تبدأ معاه باسلوب لطيف من غير تجريح و اختار الفاظك بعناية

4- اشركه معك فى عمليه النقد
**************************
لماذا لا تجعله فى صورة اقتراح ....؟؟؟؟
يعنى تقوله .. ايه رأيك لو تجرب كذا ؟؟ مش انت شايف انه لو بقى كذا يبقى احسن ؟؟؟


5- تجنب هذه الكلمات
********************
يمكن دى اصعب نقطه علشان لساننا متعود عليها .... وهى انك تبعد عن اساليب النفى او الاعتراض زى ( لكن .. بس ...)
وهنا تيجى المشكلة ... طب اقول ايه ؟؟
شوف كده معايا
مقالك جميل جدا ما شاء الله .... بس للاسف ناقصه الاحصائيات كانت هتديله قوة و مصداقيه
مقالك جميل ما شاء الله ... عارف لو كمان تزود عليه كام احصائية ... هيبقى من اقوى المقالات اللى اتكتبت فى الموضوع ده
شوفتوا الفرق
Smile
يعنى ممكن تبدلها ب حرف (و) او ب ( سؤال)
و خلى بالك ... كلمة لكن غير محببه للاذان فهى تنفى ما قبلها وتقلل من شأنه .. يعنى قول للصبح محاسن و ايجابيات و تيجى لكن تمسح كله

6- الوقت المناسب
****************
ده شئ بديهى طبعا ... مش اى وقت مناسب للنصح ... ممكن قوى يثور عليك لانه متضايق او مشغول بحاجة تانيه خالص


7- اياك و النصيحة على الملأ
************************

ده كده هيبقى احراج او فضيحة ...مش نصيحة ... و صدقنى عمر ما فى حد هنصحه قدام الناس ... بالذات لو غرب ( او حتى ناس مقربين ) و هيتقبل نصحك ... إلا بقى لو راجل ايه ... بس هيبقى من جواه فى حاجة من ناحيتك او على الاقل هيعرف انك مبتعرفش تنصح كويس
قال الشافعى رحمه الله : من وعظ اخاه سرا فقد نصحه وزانه ....... و من وعظه علانيه فقد فصحه و شانه
قال امير الشعراء :
افه النصح ان يكون لجاجا ...... واذى النصح ان يكون جهارا


8- لا تنصح من فوق برج عاجى
********************

يعنى طلعت نزلت ... انت ايه ... بنى ادم زيه ... فبلاش يحس انك احسن منه او انك بتشفق عليه لانك سابقه مثلا فى الالتزام ... ويمكن ده بيبان اكثر فى الدين ... او مثلا فى بعض الاخوات اللى بيدعو للحجاب بينهم و بين بعضيهم
فأنت ... الشخص الذى يقدم النصيحة ... لا يعلو بنفسه فوق مستوى النصح
يحكى ان واعظا جاء للخليفة المأمون فقال له: انى واعظك فمغلظ لك الوعظ ... فرد عليه قائلا : مهلا .... ان الله ارسل من هو خير منك لمن هو شر منى ... موسى عليه السلام و اخاه هارون الى فرعون فقال لهما : قولا له قولا هينا .. لعله يتذكر او يخشى


9- لا تنصح على شرط القبول
***********************

نقطة مهمة جدا
مش معنى انك نصحته ... يبقى لازم يقبل كلامك و ينفذه فورا
انت تعمل اللى عليك و خلاص ... فقال الله تعالى انك لا تهدى من احببت و لكن الله يهدى من يشاء
كما قال تعالى و ذكر انما انت مذكر ... لست عليهم بمسيطر


10 – قف مكانه و اجعله يبرر وجهة نظره
******************************

يعنى شوف اسبابه ايه ... لا تتعصب لرأيك فقط و اسمع منه جيدا ... ضع نفسك مكانه و امسك كل المعطيات فى يدك ... من يدرى .. مش ممكن كنت تبقى زيه
عدم سماعه ... زى بالظبط انك تحكم على المتهم من غير ما تسمع اقواله

يا اخى دول حتى بيقولوا المتهم برئ حتى تثبت ادانته
Smile

11- خليك ذكى و مصحصح
*******************
يعنى يكون ليك نظره فى الشخص .... بعض الناس ممكن بس بالاشاره و التلميح يفهم انت عايز ايه و غيره لأ
ده غير كمان خلى بالك من بعض الفئات ... يعنى ميبفعش تنقد باباك و مامتك زى ما بتنقد اصحابك او لو مثلا حبيت تنقد رئيسك فى العمل اة قائد الفريق ... لكل منهم اسلوب معامله مختلف


12 – تذكر ان النصح لله
******************

يعنى ابعد عن اى جدال عقيم .... مالوش لازمه غير انكم تحسروا بعض
بعد كل ده ليه فيه مشاكل
خلاص هتعمل ايه ... زى ما قلنا .. فى فئات كبرها بيمنعها من تقبل اى نصح
ادعيله بالهدايه بينك و بين نفسك


يا رب مكونش طولت عليكم
ويارب يكون فى حد بيستفيد من الموضوع ده فعل
ا
اسفة لتكرار الفكرة بس باسلوب اوضح واشمل اتمني اكون بعمل حاجة مفيدة
الرجوع الى أعلى الصفحة اذهب الى الأسفل
smart eng
عضو ذهبي
عضو ذهبي
avatar

ذكر
عدد الرسائل : 1712
العمر : 29
الاسم : a_s_mahfouze
العمل/الترفيه : لسة طالب--الترفية : رحلات السفارى اليومية الى مدينة الأحلام..منووووف
الكلية : Electronic Engineering
الاوسمة : الاوسمة
دعاء :
مزاج العضو :
نقاط : 1850
السٌّمعَة : 4
تاريخ التسجيل : 13/02/2009

مُساهمةموضوع: رد: فقه النصيحة   السبت 08 أغسطس 2009, 11:46 am

ممتاز يا موون
ربنا يباركلك يا رب....موضوع رائع ومهم نتعملة جدا جدا
الرجوع الى أعلى الصفحة اذهب الى الأسفل
moonlight
عضو ذهبي
عضو ذهبي
avatar

انثى
عدد الرسائل : 989
العمر : 26
الاسم : -----------
العمل/الترفيه : student
الكلية : electronic engneering
الاوسمة : الاوسمة
دعاء :
مزاج العضو :
نقاط : 917
السٌّمعَة : 18
تاريخ التسجيل : 26/08/2008

مُساهمةموضوع: رد: فقه النصيحة   السبت 08 أغسطس 2009, 2:12 pm

متشكرة جدا يا سمارت فعلا مهم جدا اننا نعمل بيه
نورت الموضوع
الرجوع الى أعلى الصفحة اذهب الى الأسفل
Ahmed Shawky
نائب المدير
نائب المدير
avatar

ذكر
عدد الرسائل : 1805
العمر : 27
الاسم : ahmed shawky
الكلية : faculty of engineering
الاوسمة :
دعاء : لا اله الا الله
مزاج العضو :
نقاط : 1516
السٌّمعَة : 20
تاريخ التسجيل : 10/11/2007

مُساهمةموضوع: رد: فقه النصيحة   السبت 08 أغسطس 2009, 2:52 pm

جزاك الله كل خير
بصراحة كنت محتاج انا اسمع بعض النقط في هذه الموضوع

كالعادة متميزة في حسن انتقاء المواضيع يا مون
تسلم ايدك

_________________
نحن أحيانا نكتشف ما سوف نفعله...عندما يتضح لنا ما لا نستطيع فعله..
الرجوع الى أعلى الصفحة اذهب الى الأسفل
http://www.forsan4ever.firstgoo.com
rana
عضو ذهبي
عضو ذهبي
avatar

انثى
عدد الرسائل : 881
العمر : 27
الاسم : rana
العمل/الترفيه : student
الكلية : faculty of engineering
الاوسمة : الاوسمة
دعاء :
مزاج العضو :
نقاط : 894
السٌّمعَة : 38
تاريخ التسجيل : 01/03/2009

مُساهمةموضوع: رد: فقه النصيحة   السبت 08 أغسطس 2009, 6:14 pm

جميل جدااااااا
ومهم اوووووى ياموون
فعلا موضوع مميز
الرجوع الى أعلى الصفحة اذهب الى الأسفل
moonlight
عضو ذهبي
عضو ذهبي
avatar

انثى
عدد الرسائل : 989
العمر : 26
الاسم : -----------
العمل/الترفيه : student
الكلية : electronic engneering
الاوسمة : الاوسمة
دعاء :
مزاج العضو :
نقاط : 917
السٌّمعَة : 18
تاريخ التسجيل : 26/08/2008

مُساهمةموضوع: رد: فقه النصيحة   السبت 08 أغسطس 2009, 10:35 pm

ميرسي يا جماعه لاهتمامكم سعيدة جدا ان الموضوع افادكم
منورين يا روزي ويا احمد
الرجوع الى أعلى الصفحة اذهب الى الأسفل
 
فقه النصيحة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــــــــنـــتـــــدي فــرســــــــــــــــــــــان الهـــــندســــــــــــــة  :: ـ.:: قسم المنتديات العامة:.ـ :: منتدي التمية البشرية-
انتقل الى: